Os taxis voadores sen condutor aterran en Nova Zelandia.
Un taxi voador eléctrico e autónomo capaz de despegar e
aterrar de forma vertical. Así é o vehículo que a empresa de coches aéreos Kitty
Hawk estivo probando en segredo desde outubro de 2017 na rexión de Caterbury, na Illa Sur de Nova Zelandia. A
compañía, propiedade do cofundador de Google,
Larry Page, aspira a revolucionar
o transporte aéreo privado na próxima década.
Este vehículo con forma de avión, presentado este martes e
bautizado como Cora, non necesita pista de aterraxe. Coas súas 12 hélices, é
capaz de despegar desde contornas reducidas, por exemplo, unha azotea. A
compañía asegura que o taxi voador "ten o potencial de transformar espazos
como teitos de edificios e estacionamentos en lugares próximos para
despegar". Ademais, pode percorrer ata 100 quilómetros nunha soa viaxe e
alcanzar unha velocidade de 150 quilómetros por hora.
Con todo, o seu punto forte con respecto ás avionetas que
actualmente se usan para conectar diferentes lugares de Nova Zelandia é que é
autónomo. Por tanto, o pasaxeiro non terá que ter coñecementos sobre aviación
para utilizalo.
O Cora apenas se parece ao anterior prototipo da compañía.
O Flyer, presentado en abril de 2017, só
estaba deseñado para sobrevoar superficies con auga e alcanzaba unha velocidade
máxima de 40 quilómetros por hora. Este modelo tamén era eléctrico, pero só
podía levar a unha persoa. Ademais, non era autónomo, aínda que a compañía
aseguraba que pilotalo era tan fácil que se podía aprender nunhas horas.
Unha rede de taxis voadores en tres anos
O gran inconveniente que se atopou Kitty
Hawk para probar o seu modelo en Estados Unidos é a ausencia de
infraestrutura en contornas reais e a falta de regulación que ampare a súa actividade.
Por iso, a emprea está a experimentar
cos seus avións en Nova Zelandia. Alí, pechou un acordo co Goberno neozelandés a través dunha certificación
oficial. O obxectivo é lograr unha rede de taxis voadores no país no próximos
tres anos.
“A Autoridade de Aviación Central de Nova Zelandia conta co
respecto da comunidade reguladora a nivel mundial. Os seus cidadáns abrazan o
futuro e o país ten unha economía dinámica que pode servir como un trampolín
para Cora. Nova Zelandia construíu un dos ecosistemas enerxéticos de maior
sustentabilidade no mundo, co 80% do país funcionando con enerxía renovable, e
agora queren aproveitar as vantaxes da revolución dos coches eléctricos”,
explicou a compañía nun comunicado.
Do mesmo xeito que
Kitty Hawk, outras compañías
están a apostar polo sector dos vehículos eléctricos e autónomos voadores. Por
exemplo, Airbus ou Uber. Dara
Khosrowshahi, o director executivo de
Uber, dixo en febreiro que esperaba que nun período de cinco a dez anos
a empresa de transporte privada comezase a voar con pasaxeiros nun servizo
chamado Uber Air.
No hay comentarios:
Publicar un comentario