Harald Krüger ten
présa. O presidente do consello de administración do grupo BMW está ansioso porque a compañía corra máis
cara ao obxectivo de ofrecer a maior cantidade de modelos híbridos e eléctricos
no prazo máis curto posible. Para 2025, o fabricante bávaro proponse lanzar 25 novos vehículos dos
que unha ducia serán 100% eléctricos. Os primeiros modelos desa serie estarán
dispoñibles en menos de tres anos, data desde a que o grupo prevé ter a
capacidade de producir calquera dos seus coches con motores convencionais,
híbridos, ou só con baterías.
O plan require bastante diñeiro. Non se sabe canto,
porque Krüger, na presentación de
resultados do grupo o pasado 21 de marzo en Múnic, só atisbó a dicir que “moitos millóns”. A pesar
de que a compañía está entre as máis valoradas do mundo, as mellores para
traballar e as máis socilamente
responsables, á hora de falar de certas cifras é remisa a ser concreta. Con
todo, o que si precisou a firma foi que o investimento no innovación e
desenvolvemento, sobre todo en mobilidade eléctrica e condución autónoma, rozou
os 7.000 millóns de euros en 2017, “mil millóns máis que o ano anterior”,
segundo Krüger.
Sobre o papel, o certo é que o grupo alemán aparece nunha
boa posición para avanzar na electrificación e autonomía dos seus modelos. En
2017, BMW logrou unha facturación total
de 96.678 millóns de euros, un 4,8% máis se se compara coa do ano precedente. O
beneficio neto foi de 8.706 millóns, o que supuxo unha subida do 26%. No mesmo
período, o persoal creceu un 4,2%, ata 129.932 traballadores. Para o conxunto
de 2018 a empresa prevé rexistrar un noveno aumento consecutivo das vendas
anuais e manter a marxe de rendibilidade entre o 8% e 10% da facturación.
A estratexia para manter estes niveis de ingresos, polo
menos a curto prazo, pasa por dar un forte impulso a toda a gama de todoterreos
da compañía, a máis rendible. “É o ano [por 2018] da serie X e das versións de
máximo luxo”, subliñou Krüger. Unha vintena
de modelos novos ou renovados sairán á venda ao longo deste ano, un dos máis
prolíficos na historia da centenaria compañía. A marca presentou hai pouco o
X2, actualizará o X4 para o verán e para finais de ano chegará o X7, o SUV de maior tamaño. Nuns meses tamén sairá
ao mercado a Serie 8 con tres variantes e as versións máis potentes, as M.
Engadido a isto, a firma de súper luxo
Rolls Royce, propiedade do grupo alemán,
xa ten dispoñible o Phantom a partir do
medio millón de euros e para mediados de ano sacará o seu primeiro todoterreo,
o Cullinam, a un prezo non revelado.
No hay comentarios:
Publicar un comentario