OS BARCOS DE GUERRA EN FORMA DE "DRON" XA SON UNHA REALIDADE.

Parece que no futuro as guerras, desenvolveranse como nas partidas dun xogo de estratexia ou simulador, cunha tripulación en terra que controla a un vehículo non tripulado, neste caso unha fragata. Pois ben, o goberno chinés comezará de forma inminente as súas probas para poñer en marcha unha frota de barcos de guerra non tripulados, unha especie de drons dos mares que se poderán controlar a distancia e que seguirán aos seus obxectivos de forma autónoma.

China comezou a construír unha zona de proba para os seus barcos de guerra non tripulados. Este está a construírse no Mar de China, nunha zona adxacente a  Macao.

Este espazo ocupará 225 millas náuticas cadradas para poñer en marcha esta tecnoloxía, na que se probará a capacidade destas naves para evitar obstáculos de forma autónoma, e moverse nunha dirección determinada de forma tamén autónoma. Así que parece que cada vez estamos máis preto dos  ciber combates en alta mar, e ante a proba máis clara de que o vehículo autónomo sobre calquera superficie é o futuro.