Hyundai Kona eléctrico: 204 CV e 390 kilómetros de autonomía.

O  Hyundai  Kona chegou ao mercado acompañado da promesa dunha versión electrificada. E xa non hai que esperar máis:  Hyundai confirmou a súa chegada a finais de 2018 ou principios de 2019 e, o máis importante, abriu as reservas (de momento só en Corea) revelando os primeiros detalles técnicos do modelo, así como o seu prezo.

Aínda non se viu o seu deseño final, aínda que se espera que sexa practicamente  calcado ao das versións de combustión. Iso si, será máis grande que estes xa que ampliará 15 milímetros a súa lonxitude e 5 a súa altura, alcanzando os 4.180 e os 1.555 mm, respectivamente. Isto contribuirá ademais a mellorar a súa distancia entre eixos ata os 2.600 mm.

O  SUV compacto comercializarase en dúas versións. A de acceso empregará un batería de 39,2  kWh, que terá unha autonomía de 240 quilómetros; e outra con 64  kWh, cuxo alcance chegará ata os 390 quilómetros. Tendo en conta que a homologación é segundo o ciclo EPA estadounidense, as cifras serán realistas. En canto a configuración mecánica, só estará dispoñible coa combinación de motor eléctrico e tracción dianteira, cunha potencia de 204 CV (150  kW).