IBIL instala o punto de recarga para a ITV dos vehículos eléctricos

O mercado de vehículos eléctricos segue subindo e as novidades referentes a eles son unha constante en calquera ámbito. Ata agora quizá ninguén pensara nas ITV, polo menos en España, ata que IBIL, empresa especializada en servizos de recarga de vehículos eléctricos, decidiu instalar un punto na estación de ITV situada no polígono industrial da Sionlla, en Santiago de Compostela.

A particularidade deste punto de recarga recae na súa capacidade de revisar o estado do vehículo eléctrico ou híbrido enchufable, polo que se poderá comprobar in situ o correcto funcionamento do vehículo, se mantén as especificacións do fabricantes, se a batería cárgase correctamente, entre outras revisións específicas destes modelos.

Este cargador é un modelo monotoma con dobre conector Schuko e toma Mennekes que pode dar servizo a todo tipo de vehículo eléctricos, incluíndo motocicletas. Ademais, a mesma estación de ITV, en colaboración coa Escola de Arquitectura da Universidade da Coruña, é completamente pioneira xa que pode variar o seu tamaño en función da demanda de vehículos que haxa en calquera momento grazas a un modelo modular desmontable.

Sen dúbida este pode ser un punto de inflexión para a revisión dos vehículos eléctricos nas ITV españolas.