Aeroportos menos contaminantes con autobuses BYD

Cada vez é máis coñecido o éxito que están a ter a nivel mundial os autobuses totalmente eléctricos de BYD. Hai algunhas semanas publicamos a noticia de que Londres sería testemuña de como os seus autobuses icona de dous pisos serían eléctricos en pouco tempo. Ao parecer BYD atopou outro espazo onde os seus autobuses están a ter unha excelente acollida.

O aeroporto de Schiphol, situado en Amsterdam, puxo ao seu servizo 35 autobuses totalmente eléctricos. Os vehículos serán utilizados para o transporte de pasaxeiros entre terminal e avións. Con esta adquisición de autobuses, BYD considera que o novo nicho de mercado nos aeroportos non fixo máis que empezar.

Os autobuses eléctricos de 12 metros teñen unha autonomía de 300 km. Contan con dous paquetes de baterías que foron situados de forma que non ocupen moito espazo, así aumentan o número de pasaxeiros á vez que viaxan de forma cómoda.

Sen ningunha dúbida, a utilización de autobuses eléctricos en aeroportos debería ser a opción máis viable e lóxica. Polo xeral cunha soa carga serían capaces de funcionar todo o día e o custo que supón é moi baixo en comparación ao gasto derivado da utilización de combustibles fósiles. Un aspecto máis que engadir é que o aeroporto conta cun recinto con placas solares que xeran enerxía durante o día para cargar os vehículos durante a noite.