Thunder Power instalarase en Catalunya

Thunder Power, fabricante chinés de coches eléctricos, anunciou que abrirá un centro de I+D en Catalunya no cal investirá 80 millóns de euros e creará 200 postos de traballo. Estará operativo nos próximos meses e será o seu segundo feudo en Europa, tras o de Milán, onde a empresa bebeu de grandes deseñadores de vehículos italianos como Zagato.

A idea de Thunder Power é primeiro crear este centro de I+D  e posteriormente (2019) abrir unha planta de produción e ensamblaxe de vehículos tamén en Catalunya xa que, segundo a empresa, é o mellor lugar para levar a cabo esta iniciativa no vello continente. Cabe lembrar que Thunder Power é aínda unha marca en desenvolvemento xa que a súa planta de Ganzhou aínda está en fase de construción.

Este anuncio levouse a cabo na presentación do seu primeiro prototipo que se mostrou en Hong Kong e que foi deseñado en Italia, algo que queda plasmado nas súas zumentas liñas. Ademais, Promete unha autonomía de 650 quilómetros, unha aceleración de 0 a 100 km/h en 5 segundos, baterías de ata 125 kWh e recargas domésticas en menos de 6 horas.

Conta tamén cun chasis traballado en fibra de carbono, aluminio lixeiro e magnesio, así como un sistema de tracción só ás rodas posteriores.

Thunder Power quere rivalizar con Tesla, exactamente co Model S, cunha berlina de xenerosa autonomía e un deseño italiano que non deixa indiferente a ninguén. Durante os próximos meses coñeceremos se todas estas promesas levan a cabo e o fabricante afianza a súa próxima estancia en Catalunya